Кожата ѝ пожолтела, како лик од Симпсонови: Ова било симптом на сериозна болест, но го игнорирала

Добивај вести на Viber

Дебра МекКвејг, наставничка од Глазгов, Шкотска, мислела дека нејзината исончана кожа се должи на поголема употреба на вештачко потемнување пред излегување. Сепак, неочекуваното чешање и промената на бојата на кожата откриле многу посериозен проблем - рак на панкреас.

Сомнителни симптоми што првично ги игнорирала

Во октомври 2018 година, Дебра почнала да чувствува необично чешање.

Подоцна забележала дека очите ѝ се жолти, а урината ѝ е темна по боја - класични знаци на жолтица.

„Се шегувавме на работа, ме нарекуваа лик од Симпсонови, дури и не бев свесна за сериозноста на ситуацијата.“

Дијагноза и итна операција

По ултразвук, компјутерска томографија и магнетна резонанца во ноември 2018 година, лекарите откриле блокада во жолчниот канал што ја предизвикувала жолтицата. Кога симптомите продолжиле, Дебра била оперирана на 11 декември 2018 година.

За време на операцијата, хирурзите пронашле тумор на главата на панкреасот и го отстраниле. По шест месеци хемотерапија, Дебра дознала дека нема трага од болеста.

Трагедија во семејството

За жал, болеста ја погоди и нејзината мајка, Пам Гриндал, неколку години подоцна.

„Сè беше речиси идентично како во мојот случај. Беше ужасно да се гледа како истата болест се појавува во семејството“, вели Дебра.

Мајкатa ја завршиla хемотерапијата во јануари 2024 година, но во септември истата година, ракот се врати, ширејќи се на 'рбетот и белите дробови. Пам починаla во мај 2024 година, додека Дебра беше бремена седми месец.

Порака за другите

„Чувствувате еден вид вина на преживеан, но и гнев што ги знаевме сите симптоми, а сепак се случи ова. Тешко беше да се поверува дека истата болест може да влијае и на нашето семејство“, искрено споделува Дебра.

Таа апелира: „Секогаш слушајте го вашето тело. Ако нешто не е во ред, задолжително посетете лекар и не ги игнорирајте симптомите“.