Минималистички црно-бел костим: Модниот избор на Силјановска Давкова за посетата на Црна Гора
Претседателката на државата, Гордана Силјановска Давкова, во Цетиње оствари официјална средба со црногорскиот претседател Јаков Милатовиќ.
Средбата се одржа во свечена и дипломатска атмосфера, со истакнати државни знамиња и протоколарен пречек во вилата „Билјарда“.
За оваа средба Силјановска Давкова, одбрала елегантен дипломатски стајлинг - класична црно-бела комбинација — костум со јасни контрасти и декоративни копчиња.
Црно-белата комбинација е апсолутно соодветна за официјална државна посета. Оваа палета важи за најкласична, најсигурна и најформална во дипломатските кругови. Симболизира: професионалност, авторитет, воздржаност и почит кон протоколот.
Стајлингот делува префинето и уредно, комбинирајќи дипломатска строгост со женствена елеганција. Во комбинација со дискретните детали и класичните чевли, имидџот ја рефлектира улогата на претседателката како државник и претставник на земјава во официјален контекст.
Во фокусот на разговорите беа традиционалното пријателство и блиските односи меѓу Северна Македонија и Црна Гора. Претседателката истакна дека двете земји ги поврзува долгогодишно меѓусебно разбирање, поддршка и јасно дефинирана заедничка стратешка цел — членството во Европската унија.
РЖМ - Г.Д.Г
