„Невкусно е домовите за празник да ви изгледаат како излог од продавница“: Ракотворбите и ситните сијалички се тотален хит оваа година
Новогодишниот и божиќниот декор за 2025 година ја напушта ерата на минимализмот и се враќа кон нешто многу потопло, побогато и поемотивно.
Наместо совршено усогласени и еднобојни украси, трендовите сега бараат дом исполнет со текстура, спомени, светлина и личен карактер.
Дизајнерите истакнуваат дека неутралните тонови и строго уредените елки изгледаат празно и без душа.
Според стилистот Престон Конрад, „ладниот минимализам повеќе не делува елегантно, туку недовршено“. Затоа, годинава во фокус се топлите нијанси, природните материјали и комбинацијата на модерни и старински украси што носат приказна.
Дизајнерката Пеџи Хадад додава дека иако природното зеленило никогаш нема да излезе од мода, денес му е потребна надградба — малку светлина, рачно изработени детали или ткаенина што внесува длабочина.
Истото важи и за светилките: силните и шарени лампици се заменуваат со нежни LED светла кои светиат од внатрешноста на гранките и создаваат пријатна атмосфера.
Трендот на „совршено усогласени“ украси исто така исчезнува. Празниците, велат дизајнерите, треба да изгледаат како спој на традиција и радост, не како излог.
Се враќаат т.н. tinsel украси – метални ленти кои додаваат сјај без да изгледаат кич.
Во сржта на празничните трендови за 2025 стои идејата дека домот треба да изгледа живо и топло.
Празничната магија не е во правилата, туку во емоциите – во мирисот на бор, светлината на свеќите и украсите што имаат своја приказна.
Извор / Freepik
