Одлуката на сопственик на локал во Загреб ги изненади сите: Седењето под греалка во кафуле ќе чини пари

Добивај вести на Viber

Еден сопственик на кафуле во Загреб најде начин како да си помогне при високите сметки за струја. Одлучи на гостите ќе им наплаќа дополнително за седење надвор под греалки.

Ако сакате да пиете кафе и да ви биде топло, за таа услуга ќе треба да платите 14 куни (околу 115 денари), додека само топол пијалок ќе ве чини 12 куни (околу 100 денари), пренесува Telegram.hr

-Мислам дека греалките надвор се луксуз, во зима. Имаме доволно внатрешен простор, ако некој навистина сака да биде надвор на ладен воздух, ќе ги вклучиме греалките, но едноставно тој дел од трошокот треба да го префрлиме на крајниот корисник - објаснува сопственикот на кафулето во Загреб. , Иван Орешковиќ, сопственик на кафе барот Occulto.