Пеѓа Јовановиќ ја покажа најголемата „животна тајна“: Синот Андреј првпат на негов концерт – „Мојата сила, моето семејство, моето сè“
Пеѓа Јовановиќ, човекот чиј глас распламтува сали и буди емоции кај илјадници луѓе, овој пат ја допре јавноста на поинаков начин – со срце, со семејство и со вистинска животна нежност. Со само една објава, пејачот ги стопли срцата на фановите и откри нешто што многумина не го знаеја: неговиот син Андреј.
„Ана и нашиот Андреј. Мојата сила, моето семејство, моето сè. Андреј првпат беше на татковиот концерт – прегорд сум и пресреќен“, напиша Пеѓа, споделувајќи фотографии што зборуваат повеќе од кој било текст.
На сликите, малиот Андреј стои гордо покрај татко си, во елегантно одело, со насмевка што открива и возбуда и восхит. Во друга прегратка е со неговата мајка Ана – жена со неверојатна појава, која зрачи самодоверба и љубов. Семјејството изгледа компактно, блиску и топло – како вистински пример дека зад секој успешен човек стои тивка, но моќна поддршка.
Пеѓа Јовановиќ на сцена е уметник, но во овој приватен момент е само татко кој блеска од гордост. Неговото дете за првпат го гледа пред публика, а таа врска, тој поглед меѓу нив… токму тоа е моментот што ја крена јавноста на нозе.
Фотографиите од бекстејџот ја откриваат целата суштина: зад раскошниот концерт стои човек кој го гради својот живот врз љубов, семејство и благодарност.
Андреј, за многумина изненадување, а за Пеѓа – најголемата животна радост.
И токму затоа овој момент е толку моќен: не е само концерт, не е само настап – тоа е прегратка, гордост и љубов која го дефинира човекот уште повеќе од кариерата.
Двапати развод, сам си ги сфатил грешките
Пеѓа се разведе од Ана двапати, а неодамна двојката отиде на луксузно патување каде што уживаа во секој момент. Тој им откри на камерите како помина одморот:
-Ова е нашиот трет или четврти меден месец. Се забавувавме одлично, уживавме. Снимивме и видео. Ана е актерка во видеото, јас ја снимав неа, таа мене... Не е профи, но е од срце. Ќе ѝ ја посветам песната „Njoj“, која е посветена на неа и на сите жени кои имаа трпение дека можеби ќе ни треба повеќе време да се вразумиме - искрено рече пејачот и додаде:
- Не сум горд на фактот што ми требаше долго време да сфатам. Залутав и никој не можеше ништо да ми објасни, ниту мајка ми, ниту сопругата, ниту брат ми. Мислев дека сум во право, пиј, опушти се, нормално беше за мене, излегов од контрола. Сега се вратив во нормала и сме посилни од кога било.
Патем, Пеѓа еднаш отворено проговори за својата борба со алкохолизмот.
- Никој друг не може да донесе таква одлука. Долго време разговараа со мене, семејството, братот Ненад, тој беше многу загрижен за мене. Ме бара во седум часот наутро да си одам дома, иако свирката заврши во четири, ние седиме... Јас самиот сфатив. Не вредеше никој да разговара со мене, ниту сопругата, ниту брат ми, мислев дека сум во право и дека уживам во животот, што беше погрешно. Кога го сфатив тоа, тоа беше првиот чекор кон трезвеност. Со месеци го одложував и правев план, па се обидував прво да намалам. Како вечерва не мора да пиеш шише виски, да испиеш две чаши... И тогаш можам да го направам тоа. И тогаш сум како горд, гледам дека можам да се контролирам. Нема контрола, кога човек длабоко ќе се впушти во тоа... Сфатив или-или. Нема средина. Фала му на Бога што донесов одлука да престанам да пијам пред три години и не помислувам повторно во животот да мирисам алкохол - изјави тој тогаш.
РЖМ/ИС - ФОТО: Инстаграм
