Скопје ја продолжува традицијата на зимска магија: Од лизгалиштето на Кале до неговиот модерен наследник
Во зимскиот период, особено за време на новогодишните и божиќните празници, лизгалиштата ширум светот стануваат едни од најубавите и најпосетените сезонски атракции. На градските плоштади, во паркови или во специјално уредени делови од градовите се отвораат ледените патеки каде што посетителите – без разлика на возраста – можат да уживаат во магијата на лизгањето. Светлечките украси, празничната музика и празничната атмосфера создаваат уникатно доживување, претворајќи ги лизгалиштата во вистински зимски оази за рекреација, забава и дружење.
И Македонија се вклучува во оваа празнична традиција. Иако години наназад „Плаја Виста“ на скопското Кале беше едно од најпознатите лизгалишта во државата, денес најголемото внимание го привлекува модерното лизгалиште во спортскиот центар „Борис Трајковски“. Со современа инфраструктура и поголем капацитет, ова лизгалиште обезбедува одлични услови за сите љубители на зимските спортови.
Интересен е податокот дека на лизгалиштето на Кале во Скопје, во 60-тите години се одржало Светското првенство во хокеј на мраз.
Лизгалиштата не се само место за забава – тие претставуваат одлична можност за дружење, создавање убави семејни спомени, но и идеална спортска активност за најмалите. Тие учат нови вештини, развиваат координација и самодоверба, сето тоа во безбедна и весела атмосфера, исполнета со празничниот дух.
РЖМ
