Свештеник открива што се случува доколку на исповед некој признае убиство кое не е разоткриено од полицијата
Католичкиот свештеник Дејвид Мајкл Мозес предизвика големо внимание со објава во која објаснува што точно се случува кога некој ќе признае убиство за време на исповед.
Мозес редовно објавува видеа на платформата YouTube, каде што зборува за верата и духовноста, а има повеќе од 400.000 следбеници, пренесува Unilad.
Света тајна
Во своето видео, тој детално ја објаснува апсолутната тајност на исповедта – правило според кое свештеникот не смее да открие ништо што било кажано, дури ни во случаи на најтешки злосторства, вклучувајќи и убиство.
„Без разлика што ќе се каже на исповед, свештеникот не смее да открие ништо или да преземе било каква акција. Ако ја прекрши сакраменталната тајна на исповедта, автоматски ќе биде исклучен од Црквата“, истакнува Мозес.
Може само да советува
Тој додава дека свештениците можат да дадат совет и да се обидат да ја насочат личноста кон вистинскиот пат, но законски не се обврзани да пријават кривични дела дознаени за време на исповедта.
Сепак, информациите добиени надвор од исповед – на пример, во разговор во канцеларија или во неформален контекст – не се под заштита на апсолутната тајност. Во такви случаи, ако постои опасност за други луѓе, свештеникот може да ги извести надлежните органи.
Извор / Freepik
