Топол семеен момент: Д-р Софијанова и ќерката Марија уживаат во предновогодишната магија на Лондон
Д-р Аспазија Софијанова, еден од најпрепознатливите и најценетите педијатри од Детската клиника при Клиничкиот центар „Мајка Тереза“, е личност која секогаш привлекува внимание – и со својата стручност, и со својот беспрекорен личен стил. Позната како доктор којa несебично се посветува на своите мали пациенти, но и како жена која постојано работи на себе, Софијанова се издвојува со природна елеганција, топлина и харизма што ја носи во секое свое појавување.
Овој пат, таа уште еден месец пред празниците испрати честитка за среќна Нова година – директно од Лондон. Во магично украсениот град, меѓу светлечки украси и празнична атмосфера, Д-р Софијанова ужива во едно навистина посебно друштво: со нејзината прва љубов, ќерката Марија.
„Мајка и ќерка, благослов“, напиша таа на една од фотографиите.
Таа без задршка покажува дека празниците се токму за тоа – да се помине што повеќе време со семејството, да се создаваат нови спомени и да се споделуваат моменти исполнети со љубов. Д-р Софијанова не крие дека секој миг со ќерката за неа е непроценлив, а токму таквите моменти ги споделува со своите следбеници преку инстаграм приказните.
РЖМ - Г.Д.Г
Фото: Инстаграм
