Цеца не сака ова да се дознае: Нејзината пријателка ја откри вистината за борбата со рак со која се соочила
Фолк дивата Светлана Цеца Ражнатовиќ отсекогаш била позната по својата големодушност, иако ретко кога самата зборува за тоа.
Но, нејзините пријатели не ја пропуштаат можноста да споделат колку вистински човек стои зад ѕвездениот сјај.
Пејачките Слаѓа Алегро и Ивана Селаков се само дел од оние кои јавно признаа дека Цеца им помогнала во клучни моменти за кариерата. А неодамна, уште една блиска личност од нејзиниот живот ја раскажа својата интимна и емотивна приказна.
Ивана Селаков и Слаѓа Алегро
Некогашната фризерка на Цеца, Светлана Бубања – Буцка, откри дека токму пејачката ѝ била најголема поддршка за време на нејзината борба со рак на дојка.
– Првпат открив тумор во 2005 година, кога бев на турнеја со Цеца. И Мира Шкориќ беше со нас и двете беа огромна поддршка. Мира дури го ангажираше и својот лекар. Цеца беше покрај мене, без двоумење – изјави Буцка.
Несреќата повторно ја погодила во 2012 година, кога болеста се вратила, но и тогаш Цеца ѝ била покрај неа – тивко, без медиумски фанфари, но со вистинско срце и грижа.
Буцка денес апелира до сите жени:
– Неизвесноста по операцијата е ужасна. Но, важно е да бидете силни и да не се предавате. Прегледите треба да станат навика – како одење кај фризер или козметичар.
Приказната на Буцка уште еднаш покажува дека хероите не секогаш се гласни, а дека вистинските пријатели се оние кои остануваат покрај вас токму кога ви е најпотребно – без да бараат благодарност или признание.
Извор: svet-scandal
