Дури и Македонките им се поклонуваат на Бугарките поради овој домаќински трик за совршена кисела зелка: Тајната е во само една состојка

Добивај вести на Viber

Зимницата е неизоставна традиција во нашите краишта – од генерација на генерација се пренесува обичајот секоја есен да се подготвуваат ајвар, туршија, краставички и, секако, кисела зелка.

Секоја домаќинка има свој начин на подготовка, но Бугарките го имаат својот таен трик – нивната зелка е совршена благодарение на еден едноставен додаток.

Потребни состојки:

• бела зелка (цврсти, средно големи главици)

• неколку главици црвена зелка (за убава боја)

• сол

• по желба: малку јачмен за побрза ферментација

Подготовка:

Главиците зелка се чистат од надворешните лисја и на дното се засекуваат во форма на крст. Така подготвените главици се редат во буре или поголем сад.

Во 20 литри врела вода се раствора околу 1,6 кг сол. Кога растворот ќе се олади, се процедува низ газа и се прелива зелката така што целосно ќе биде покриена.

Доколку киселите околу 50 кг зелка, оваа мерка е идеална за вистински вкус и заштита од расипување. Преголема количина сол го успорува процесот, а премалку доведува до расипување. За побрза ферментација и поинтензивен вкус, на дното на бурето додајте две шаки јачмен.

Кога зелката ќе се изкисели, бурето се затвора цврсто и се чува во ладна просторија на температура од 10–12°C.

Зошто е важна точната мера на сол?

Солта е природен конзерванс – го штити зеленчукот и ја регулира ферментацијата. Ако ја има премалку, зелката брзо ќе омекне и ќе се расипе; ако ја има премногу, процесот ќе биде бавен и вкусот ќе биде премногу солен.

Бугарките тврдат дека токму комбинацијата на бела и црвена зелка, со точна количина сол и малку јачмен, дава најдобар резултат – крцкава, киселкаста и долготрајна зелка, каква што се памети од старите времиња.