Како, со што и колку често треба да се мијат четките? 5 едноставни чекори за темелно чистење
Редовното чистење на четките за шминка е неопходно бидејќи наталожената шминка создава идеални услови за ширење бактерии, што може да доведе до акни, митесери и иритација на кожата.
Освен што е важно за здравјето на кожата, чистите четки овозможуваат полесно и порамномерно нанесување на шминката, а со нивното редовно одржување се заштедуваат пари — нема потреба често да се купуваат нови.
Чистење на четките – што е потребно?
Доволни се млака вода и благ сапун, бебешки шампон или средство за миење садови. Иако постојат и специјализирани препарати за чистење четки за шминка, тие не се неопходни. Силни хемикалии треба да се избегнуваат бидејќи може да ја иритираат кожата.
Важно е никогаш да не се делат четките со други лица, бидејќи тоа претставува ризик за пренос на инфекции.
Како правилно да ги исчистите четките?
Исплакнете ги влакната под млака вода, но избегнувајте да ја намокрите дршката за да не се оштети лепилото.
Нанесете средство за чистење со кружни движења додека не се разгради шминката.
Повторно исплакнете додека не се исчисти целосно.
Исцедете ја водата со рака или хартија, нежно притискајќи за да не ги оштетите влакната.
Редовното чистење на четките еднаш неделно значително го намалува ризикот од кожни проблеми.