Утре св. Лука се слави со посна петочка трпеза: Идеи како домаќинките да направат вистинско чудо на маса со малку пари и состојки
Православните верници го одбележуваат Свети Лука – Луковден на 31 октомври, а годинава овој ден „паѓа“ во петок, па затоа се препорачува посна трпеза.
Свети апостол и евангелист Лука
Свети Лука зазема посебно место во христијанската традиција. Роден во Антиохија, бил Грк по потекло, лекар, уметник и проповедник кој го посветил животот на ширење на верата и помагање на луѓето.
Во православната традиција, неговиот ден се слави на 31 октомври, познат како Луковден – празник што го симболизира светлината, исцелението и духовната сила.
Бидејќи годинава празникот се паѓа во петок, се препорачува посна трпеза.
Посни печурки со лук
Состојки:
-
500 г шампињони
-
3 чешниња ситно сечкан лук
-
2 лажици маслиново масло
-
Сол, бибер, сок од половина лимон
-
Свеж магдонос
Приготвување:
Загреј ја рерната на 200°C. Печурките измиј ги и нареди ги во плех, полевај ги со масло и додај лук. Зачини по вкус – бибер, оригано, тимјан. Печи 15–20 минути додека не заруменат, потоа прелиј со лимонов сок и посипи со свеж магдонос.
Посни полнети сушени пиперки
Состојки:
-
10 сушени црвени пиперки
-
1 чаша ориз
-
1 морков, 1 главица кромид, 2 чешниња лук
-
1 рендан домат
-
Алаба пипер, сол, бибер, масло
Приготвување:
На масло запржи кромид, лук и морков, додади ориз и домат. Кога филот ќе се згусне, полни ги претходно потопените пиперки. Нареди ги во тенџере, додади вода до половина и вари околу 40 минути.
Посен грав
Состојки:
-
1 кг грав тетовец
-
3–4 главици кромид, неколку чешниња лук
-
Ловоров лист, бибер
Запршка:
-
300 г кромид или праз
-
Масло, меленa пиперка, сол и бибер
Приготвување:
Гравот потопи го преку ноќ, потоа вари го со ловор и бибер околу 1 час. На масло запржи кромид, додај пиперка и зачини, па прелиј го гравот. Печи во рерна 20–30 минути на 180°C.
Посната трпеза за Луковден е симбол на смиреност, благодарност и духовна чистота – ден за семејна молитва и радост.
Извор / Фото: ЖМ Архива - Pexels
