Велиш дека не јадеш козјо сирење, а јадеш фета: Грците се пошегуваа со цел регион па го открија нивниот древен рецепт

Добивај вести на Viber

Во Грција, земја каде што сирењето не е само храна туку дел од националниот идентитет, фета сирењето зазема посебно место. 

На островите, во планините и селата на Пелопонез, тоа се произведува со векови според строго пропишани правила – без грам кравјо млеко, туку исклучиво од овчо и козјо млеко, со што се зачувува неговиот автентичен вкус и карактер.

Токму ова правило ја разликува вистинската, традиционална фета од бројните индустриски копии кои се обидуваат да го имитираат нејзиниот вкус. Грците останале верни на традицијата, а нивната фета и денес има препознатлива арома, кремаста структура и благ пикантен шмек.

„Нашата фета е од 90% овчо и 10% козјо млеко,“ вели Георгиос Петропулос, директор на фабриката Messini cheesemaking. „Само овчото млеко би ја направило премногу мека, а козјото ѝ дава карактер и свежина.“

Процесот на подготовка трае повеќе од два месеца. Млекото се остава да одмори, потоа се пастеризира и загрева до 35°C за да започне ферментацијата. 

По додавањето на сирилото, смесата се сече на коцки и се става во калап со дупчиња за постепено исцедување. Солта се додава рачно, од двете страни, а потоа сирењето зрее 24 часа.

Следува најважниот дел – зрењето во саламура, кое трае 60 дена. Првите 15 дена на температура од 18–20°C, а потоа уште 45 дена на постудено. Во тој период фетата ја добива својата препознатлива киселкасто-солена арома и еластична текстура.

„Кога саламурата добие жолтеникава боја и сирењето се враќа во форма кога ќе го притиснеш – знаеш дека е зрело,“ објаснува Петропулос.

Во свет преполн со копии, грчката фета останува симбол на автентичност, чистота и почит кон традицијата. Секоја коцка фета крие приказна за земјата, морето и луѓето кои со генерации ја создаваат оваа совршена рамнотежа меѓу вкус и историја.