Домови испечатени на 3Д принтери: Куќички со мала квадратура, направени од дрво се иднината на домувањето

Добивај вести на Viber

Живееме во време кога традиционалниот поим за дом се менува пред наши очи.

Големите станови и куќи сè почесто се заменуваат со помали, функционални решенија кои се приспособуваат на новите економски и општествени услови. 

Во свет во кој инфлацијата расте, младите се иселуваат, а семејствата се сè помалубројни, архитектурата реагира – не со гламур и луксуз, туку со минимализам, технологија и одржливост.

Малите куќички направени со 3D печатење, од дрво и бетон, стануваат дел од оваа нова реалност. 

Не затоа што се тренд, туку затоа што се практичен одговор на големите предизвици: недостиг на достапно домување, климатски промени, урбано пренатрупување. 

Овие домови не се само евтини и енергетски ефикасни, туку симболизираат поинаков начин на живот – оној кој се фокусира на потребното, а не на излишното.

Во вакви услови, самечкиот живот или живеењето во двочлени домаќинства станува сè почеста појава.