„Кралот без круна“ подготвува јубилеј: Миле Кузмановски со концерт за 35 години на сцената
Популарниот фолк пејач Миле Кузмановски ќе одржи јубилеен концерт на 24 декември во Националната опера и балет (НОБ) по повод 35 години успешна музичка кариера.
На сцената, Кузмановски ќе настапи во придружба на Камерниот оркестар, а концертот ќе претставува патување низ неговите најубави хитови.
– Времето летна, и еве дојдовме до 35 години од првата песна. На концертот ќе се најдат дел од моите најпознати нумери, бидејќи досега имам снимено над 130 песни – открива Миле.
Пејачот најавува дека публиката ќе може да ги слушне незаборавните хитови „Не кани ме“, „Крал без круна“, „Сè што побарав од тебе Господе“ и многу други омилени композиции.
– Планирам да поканам и неколку гости, но нивните имиња ќе останат изненадување до самиот концерт – додава Кузмановски, ветувајќи вечер исполнета со емоции, сеќавања и музика која трае повеќе од три децении.
РЖМ/ИС - Фото: Фејсбук
**Дознајте сè за случувањата во шоу бизнисот, бидете во тек со темите за животен стил и мода. Пријавете се во нашата Вибер група
