„Ме подготвуваа за најлошите вести, а јас си реков-Избриши ги солзите, стисни заби и оди кај своето дете насмеана“: Драгана и нејзината борба со меланом
Драгана Раденовиќ (42) од Белград, полицајка во српското МВР, имала 34 години кога дознала дека боледува од меланом. Нејзиното девојче, кое во тој момент чекало дома, имало само три години. Првата мисла откако ја слушнала дијагнозата била: „Боже, ќе доживеам ли да ја видам ќерка ми полнолетна?“
Следеа години на неизвесност и страв, но нејзината желба за живот беше посилна. А најважна во таа несреќа била среќата - навреме и бил откриен меланом, кој во повеќе од 95% од случаите значи живот, значи спас.
- Сосема случајно се сретнав со меланом во 2014 година, кога отидов кај дерматологот д-р Предраг Полексиќ поради безопасен чир на мојата кожа, а лекарот веднаш забележа меланом на мојот грб. Од тој момент животот ми се сврте за 180 степени... Следеше операција на воено-медицинската академија, а потоа резултатите ги чекав две недели, кои беа долги како две години.
Чувствував дека ме подготвуваат за лоши вести
Одењето по наодот Драгана никогаш нема да го заборави.
- Заминав сама. Ме прими милата и драга д-р Милица Рајовиќ, специјалист по пластична хирургија. Според нејзиниот пристап, но и реакцијата на практикантката, почувствував дека ме подготвуваат за лоши вести. Претчувството се оствари... Ми рекоа дека е малигнен тумор-меланом.
Прво помислила на ќерка си и веднаш знаела дека мора да собере сили и да се избори за живот. За неа, предавањето не беше опција.
- Излегов од канцеларијата, со солзи во очите се упатив кон излезот и тогаш се ми беше во главата. Но, бидејќи по природа сум борец и позитивист, си реков: „Избриши ги солзите, стисни заби и оди кај своето дете насмеана“.
Следуваше нова посета на дерматолог.
- Со детален преглед на сите младежи е откриен е уште еден за кој се посомневале дека е меланом. Потоа отидов кај дерматологот д-р Мирослав Диниќ на ВМА, кој ме презема како пациент и го следи текот на болеста. Потоа конзилиум и нова операција. Повторно потврда дека меланом, уште една операција, наодот е добар, нема метастази. Мојата среќа во несреќата е што на време отидов на дерматолог. Болеста е откриена на самиот почеток. Немаше метастази и затоа животот ми е полесен. Кога навреме ќе го сретнете непријателот, знаете како да му се спротивставите.
Полесно е со поддршка
Уште на почетокот кога сфатила дека има меланом, Драгана не познавала никој со таа дијагноза.
- Тогаш едно утро го видов на телевизија господинот Сава Пилиповиќ, претседателот на Здружението на болни од меланом и стапив во контакт со него. Од тој момент добив поддршка, пријатели, соборци. За жал, не сите пациенти имаа среќа навреме да ја откријат болеста, а познавам многумина кои ја загубија битката.
Денес, сепак, Драгана сака да им порача на сите:
- Многу е важно да ги следите промените на кожата и да не го одложувате одењето на лекар доколку забележите некакви промени. Исто така, заштитата од сонце и умереното изложување се многу важни. Благодарение на тоа што го открив меланомот во рана фаза, веќе осум години живеам без прогресија на болеста. Им должам голема благодарност на споменатите лекари, Здружението на болни од меланом, моето семејство, пријателите, како и моите колеги за поддршката и разбирањето.
Фото: Илустрација-Freepik.com
