Удобност и стил во едно: Летни макси фустани кои прават да се чувствувате како да не носите ништо на себе
Кога температурите достигнуваат 35 степени и повеќе, модните правила се едноставни - удобноста е на прво место. А макси фустаните изработени од лесни материјали се совршени за тој летен предизвик.
Моделите на макси фустани што ги одбравме од моменталната понуда на продавницата не само што изгледаат привлечно, туку се носат и со леснотија - толку се лесни што едвај ги чувствувате на вашата кожа.
Во понудата доминираат фустани изработени од памук, вискоза и тенок муслин, со тенки прерамки и отворен грб, како и лелеави кроеви кои обезбедуваат максимална удобност.
Боите се движат од природни земјени тонови и беж нијанси до живописни црвени, жолти и вински бои, а има и впечатливи тропски и животински шари кои го евоцираат безгрижниот дух на летото.
Летните макси фустани одлично се вклопуваат со рамни сандали, апостолки или балетанки, а за вечерни верзии можете да ги носите со платформи или елегантни сандали со ременчиња. Додадете рафија чанта, очила за сонце и подготвени сте за сè – од прошетка покрај брегот до вечера на терасата.
Фото: Pinterest
