Државите од поранешна Југославија држат лекција за економски раст во ЕУ: Еве кои се најсиромашни земји од Европа

Добивај вести на Viber

Во 2024 година, 6,4% од жителите на Европа живееле во сериозна сиромаштија, односно не можеле да си дозволат најмалку седум од 13 основни ставки за достоен живот, покажуваат податоците на Евростат.

Овие ставки вклучуваат: можност за покривање неочекувани трошоци, одмор еднаш годишно, плаќање кирија и сметки, пристоен оброк барем секој втор ден, загреан дом, нов мебел, автомобил, интернет, нова облека и обувки, трошоци за лични потреби, учество во слободни активности и редовни дружења.

Лице се смета за во „сериозна сиромаштија“ ако нема најмалку седум од овие работи, од кои три се поврзани со домаќинството.

Највисоки стапки се забележани во Романија, Бугарија и Грција, а најниски во Словенија, Хрватска и Полска, што ја покажува длабоката економска нееднаквост во рамките на ЕУ.

И покрај економскиот раст, сиромаштијата останува сериозен проблем кој влијае врз квалитетот на животот, здравјето, образованието и социјалната интеграција. Со растот на цените на енергијата, храната и домувањето, ризикот од нејзино зголемување е уште поголем.

Овие податоци јасно укажуваат дека, иако Унијата се стреми кон високи животни стандарди, нееднаквостите меѓу земјите членки се голем предизвик и бараат конкретни социјални политики за достоинствен живот за сите граѓани.