Вака на Света Гора монасите приготвуваат макарони: Рецептот е едноставен, а со еден мал трик се добива божествен вкус
На Света Гора, во тишината на маслинoвите гранчиња и мирисот на темјанот, времето како да тече побавно. Таму каде што деновите се обоени со молитва и богослужба, храната не се доживува како луксуз, туку како благодарност – дар од природата и Божјата добрина.
Во манастирската кујна нема брзина, нема вишок, нема непотребни зачини. Сè има мера, ритам и смисла. Тестенините се варат во голем сад со посолена вода, додека на тавата полека се пржи кромид на маслиново масло, заедно со неизбежниот лук кој дава топлина и мирис.
Кога кромидот ќе стане убаво динстан, се додава свеж домат – излупен, ситно исечкан, кој со неколку капки маслиново масло се претвора во сос полн со боја и вкус. Се додаваат само сол, бибер и прстофат оригано – ништо повеќе.
Рецепт за „Хиландарски макарони“
Состојки:
-
400 g макарони (или друг вид тестенини по избор)
-
3 лажици маслиново масло
-
1 главица кромид
-
2 чешниња лук
-
3–4 зрели домати или една конзерва пелати
-
Прстофат оригано
-
Сол и бибер по вкус
-
Свеж магдонос или босилек
Подготовка
Тестенините се варат во доста вода со малку сол, додека не омекнат, но да го задржат обликот. На маслиново масло се пржи ситно сечкан кромид, па се додава лукот. Кога ќе замириса, се става доматот и се остава да се вари додека не добие густ сос.
Се додава оригано, сол и бибер, па потоа се мешаат со сварените макарони. Сè заедно се остава уште една-две минути на оган за да се спојат вкусовите. Се посипува со свеж магдонос и се служи со парче леб.
Вкус што ја смирува душата
Иако едноставно јадење, овој оброк носи дух на заедништво и молитва. Монасите веруваат дека преку скромна, но со љубов подготвена храна, може да се почувствува Божјата близина.
Извор: lepaisrecna / Freepik / Википедиа
