Светски гастрономи за македонската туршија: Нека ни принесат и од Србија и од Бугарија, веднаш препознаваме која е вистинската
Иако на прв поглед изгледаат речиси идентично – шарени парчиња пиперка, морков, карфиол и зелка во тегла со киселкаст вкус – вистинските познавачи на гастрономијата веднаш ја откриваат разликата меѓу македонската и српската туршија. И тоа само според една состојка.
Во светот на гастрономијата, оваа зимска салата одамна не е само традиционален додаток, туку симбол на културен идентитет и вкусна едноставност. Според познавачите, клучната разлика се крие во зачинот и видот на киселината која се користи при подготовката.
Македонската туршија, препознатлива по поинтензивниот и полут топол вкус, често содржи лути пиперчиња и зрна црн бибер, а некои домаќинки додаваат и малку вински оцет или масло за побогата текстура.
Српската, пак, е поблага и полесна – подготвена со алкохолен оцет, без лута пиперка, со повпечатлива арома на морков и зелка.
Готвачите велат дека токму таа малечка доза лутина и специфичен мирис на вински оцет ја издава Македонија на првата лажица.
За многумина, оваа туршија не е само зимска закуска, туку мирис на домот и детството, симбол на гостопримство и вкус кој ја пренесува традицијата од генерација на генерација – без разлика дали теглата стои на македонска, бугарска или српска маса.
Фото извор: Freepik
