Легендарната Марина Абрамовиќ наполни 80 години и најави дека ќе го покажува своето голо тело и ќе работи до последниот здив
Светски познатата уметница Марина Абрамовиќ го одбележа својот 80-ти роденден со ексклузивно интервју за српското списание „НИН“, во кое зборува за силата на уметноста, времето и личната издржливост.
Иако има осум децении зад себе, Абрамовиќ продолжува со истата страст и посветеност што ја следат целата нејзина кариера. Таа откри дека нејзиното тело и понатаму функционира речиси совршено, со исклучок на дел од карлицата кој неодамна бил подложен на хируршка интервенција.
Сепак, таа не дозволува физичките предизвици да ја ограничат – напротив, продолжува да создава и да го истражува човечкото искуство преку својата уметност.
Абрамовиќ и во осмата деценија од животот останува верна на својата мисија – да го испитува односот помеѓу телото, умот и духот.
Нејзиниот пристап кон уметноста отсекогаш бил поврзан со издржливост, граници и трансформација, па така и денес таа не ја губи мотивацијата да работи и да создава.
