Божиќна магија во срцето на Атина: „Педион ту Ареос“ го отвора најголемото празнично село
Со секое наредно доаѓање на зимата, „Педион ту Ареос“ — најголемиот градски парк во Атина — се преобразува во вистинска божиќна бајка. И оваа сезона, паркот ја отвора својата традиционална импровизирана „божиќна земја“: празничното село што го носи духот на Божиќ, со светло, музика, насмевки и топлина — за мали и големи.
Од 28 ноември 2025 година па сѐ до 7 јануари 2026, „Christmas Village“ во Pedion tou Areos повторно ги отвора своите врати за сите жители и посетители — влезот е бесплатен и времето за посета е прилагодено така што секој може да ужива.
Што ве очекува во Паркот
*Идеално украсено пространство со светлечки украси, дрвени куќарки, топла атмосфера и патеки обоени со светло — идеално за семејни прошетки, пријатели и празнични фотографии.
*Годинешната сезона се најавува како „најголема и најмодерна досега“ — извонредна за дечиња и возрасни кои сакаат да доживеат зимска авантура во срцето на Атина.
*Четириесетина дрвени куќички каде што можете да најдете рачни изработки, празнични украси, подароци, сувенири — совршено за оние што бараат нешто уникатно.
*Гурманско ќоше со традиционални грчки деликатеси, греано вино и други топли напитоци — освежувачки пријатен контраст на зимската вечер.
*Музика, концерти, уметнички и детски програми: секојдневно се одржуваат настани на главната и помали сцени — од концерти со познати грчки изведувачи, театар и детски претстави, до улични артисти, танчари и саxофонисти.
*Едукативни и екосвести активности — работилници посветени на заштита на животната средина, работилници за децата, забавни и училишни програми: совршена мешавина на забава и учење.
@volindo_travel Christmas is coming to Pedion tou Areos Park, Athens! Get ready for the Countdown to Christmas Park 2025-2026 at Pedion Areos. A magical light show awaits children and adults with a dreamy touch of fog making this year’s Christmas decorations truly unforgettable. Grand opening: Friday, November 28 with Theodore Ferris Saturday, November 29: Locomondo live! #athens #greece #greek #christmas #christmasmarket original sound - volindo
Зошто „Педион ту Ареос“ e магична празнична дестинација
„Christmas Village“ во Pedion tou Areos не е само пазар или светлосно шоу — тоа е место каде што Атина ги собира луѓето, ги поврзува генерациите и им подарува заеднички спомени. Таму, природата, градската енергија и празничната магија се спојуваат. Истовремено, паркот, со својот нов естетски и функционален редизајн, стана пример за тоа како јавните места можат да се трансформираат во безбедни, светли и пријатни за сите — од најмладите до возрасни.
РЖМ - Г.Д.Г
Фото: Принтскрин/ Јутјуб
