Еве како изгледаат владини станови за млади луѓе од 21 квадратен метар во Холандија: Чинат 45.000 евра
QSpace е модуларна биокомпозитна станбена единица од 21 квадратен метар произведена од Holland Composites BV.
Холандската фондација Stichting Nieuw Thuis, чија цел е да им помогне на различни групи од општеството да се интегрираат и да станат независни членови во Холандија, нарача масивен проект што вклучува 144 QSpaces, објавува Punkufer.hr.
QSpace е модуларна станбена единица од биокомпозитен материјал од 21 квадратен метар произведена од Holland Composites BV. Претставува надградба на нивниот поранешен концепт Spacebox, дизајниран за итни, привремени или трајни потреби за домување.
QSpace е идеален за студенти, мигранти, здравствени работници и слични групи кои бараат брзо и флексибилно решение за домување.QSpace е лесен за склопување и поврзување, а изграден е од одржливи материјали како Duplicor. Просториите се компактни, модерни и опремени со сè што е потребно за живот. Модуларниот простор од 21 квадратен метар вклучува простор за спиење, кујна, бања со мијалник, туш и тоалет.
QSpace исто така доаѓа со целосни електрични инсталации, греење, бојлер за топла вода и кабел за поврзување со податоци.
Достапни се различни конфигурации, бои и завршни обработки. Нивната почетна цена е релативно ниска и изнесува 45 илјади евра по единица.
Првата населба со модуларни единици на QSpace е поставена во ротердамскиот округ Иселмонде, вклучува 144 модуларни станови и е наменета за млади луѓе на кои им е потребен итен сместување.
Фото: Принтскрин/ Инстаграм
Извор: Еupravozato.mondo.rs
