Стил што се сервира со вкус: Водителката Сања Савеска во модна експресија
Познатата водителка на кулинарското шоу Брза кујна, Сања Савеска, повторно докажува дека стилот е прашање на став, самодоверба и вкусна доза на елеганција. На нејзините најнови фотографии, таа совршено го балансира спортскиот дух со софистицирана женственост – модна формула што лесно станува препознатлив белег на нејзиното појавување.
Урбано шик во фармерки со широк крој и мантил во боја на песок
Во првата комбинација, Сања носи лесна бела кошула со детали на јака и манжетни, спoeна со фармерки со широко кроени ногавици – ретро инспирација која е повторно актуелна. Тренч мантилот во класична беж нијанса додава софистициран допир, додека потпетиците ја задржуваат женствената силуета. Совршен изглед за динамичен градски ден.
Деним на деним – со пролетна свежина
Во втората комбинација, Сања игра со трендот „деним на деним“, комбинирајќи тексас јакна со појас и ист тон на панталони. Белиот крој со везени детали и нежни апликации на кошулата додава доза на елеганција и разиграност. Букетот жолти нарциси во рака е совршено стилско продолжение на пролетниот амбиент и нејзината насмевка.
Сатенска елеганција во бронзен сјај
Најелегантниот момент доаѓа со третата комбинација – сатенски фустан во топла бронзена нијанса, совршено нагласен со широк металик појас и златна чантичка со синџир. Високите сандали и благите бранови во косата додаваат холивудски сјај. Овој изглед е дефиниција за вечерна елеганција со модерен твист.
Шармантната Сања Савеска не само што инспирира со своите гастрономски вештини, туку сè почесто и со своите модни избори. Нејзиниот стил е доказ дека современата жена може да биде елегантна и во тек со трендовите – без да изгуби на удобност или автентичност.
РЖМ/ИС
ФОТО: Приватна архива
