Животна училница // Приказни

„Ќе го јадеме или ќе се договараме“, порачува Слаткар од Амстердам

05 Октомври, 2018 21:15

Откако со песната "Отворено писмо" ја опиша нашата актуелна состојба, хип-музичарот Слаткаристика најави нов спот, од Амстердам.

"Живееме у шупа, 30 години седиме на клупа и никако у игра да не пуштат. Со Тајсон у ринг преговараме, ќе го јадеме или ќе се договараме", се дел од стиховите на песната „Отворено писмо“. Според коментарите на социјалните мрежи, Слаткар со новата песна го поддржа Референдумот.

Европските градови во видеата му стануваат пракса на Слаткаристика. Спотот за песната "Луда романтика" со неговата сопруга Сања Николиќ во главна улога е снимен во Венеција. Маринковиќ е домашен рекордер во јутјуб прегледи на неговите спотови. Записот за песната "Терориста" има 11 милиони прегледи.

"Овие посети доаѓаат од мојата публика во Македонија, Бугарија , но и од Србија", изјави Слаткар кој е популарен во Бугарија и е дел од турнејата "Една љубов". Турнејата одржуваше во повеќе македонски и бугарски градови. Финансирана е од Владите на двете држави.