Не е шега: Се подготвува зимски удар - ова е прогнозата што сите ја чекаат
Според сезонските метеоролошки прогнози и климатските модели, зимата 2025/2026 во Македонија може да биде постудена и побела од вообичаено, особено во јануари и февруари.
Моделите на Европскиот центар за среднорочни прогнози (ECMWF) укажуваат на порано формирање на снежна покривка во регионот, што е прв сигнал за пониски температури и зголемена можност за снег.
Се очекуваат продори на студен воздух од север, што би можело да предизвика повеќе врнежливи и студени денови од просекот.
Во декември температурите ќе се движат од 0 до 7 °C, со неколку снежни денови, главно во внатрешноста и на повисоките места. Јануари, кој традиционално е најстуден месец, може да донесе температури околу и под нулата, со повеќе снежни врнежи и стабилна снежна покривка во планинските региони.
Во февруари се очекуваат повремени топли продори, но студените бранови нема целосно да изостанат.
Во низините и градовите како Скопје, Битола и Штип, снегот најверојатно ќе биде повремен, но не и траен. Планинските и повисоките предели ќе имаат значително повеќе снег од претходните неколку зими.
Се препорачува граѓаните навреме да се подготват — особено за можни студени бранови и поинтензивни снежни врнежи во јануари. Оваа зима најверојатно ќе донесе вистинско зимско сценарио, со температури под просекот и повеќе снежни денови од минатата година.
EPA
