Четири модели на обувки што парижанките никогаш не ги носат во лето
Французинките сè уште се познати како едни од најдобро облечените жени во светот, со посебен акцент на парижанките, жители на светската модна престолнина, кои ги инспирираат љубителите на модата низ целиот свет со својот стил.
Препознатливата мешавина од лежерност и софистицираност е она што ги издвојува парижанките од толпата. Елегантната едноставност е основа на парискиот стил, а во изданијата на парижанките ќе најдете класични безвременски парчиња.
Без оглед на тоа во која модна сезона сме, нивните комбинации се секогаш многу шик, носливи и софистицирани дури и кога се најлежерни. Софистициран последен впечаток се постигнува во лето со избегнување на одредени модели на обувки:
1. Апостолки
Можеби ќе ги видите во нив на плажа, но дефинитивно нема да видите како ги носат низ град. За нив, ова не е тип на обувки резервирани за градски прошетки или вршење секојдневни обврски. Иако им се допаѓаат лежерните летни чевли, сепак преферираат постабилни модели, па затоа попрво ќе посегнат по удобни сандали со многу ниска потпетица.
2. Крокс
Фантастични за некои, омразени од други. Никогаш нема да се усогласиме кога станува збор за овие популарни модели на обувки направени од посебен вид пенаст материјал наречен Крослајт. Парижанките, како што се очекуваше, не ги претпочитаат.
3. Сандали со висока (полна) платформа
Парижанките ја сакаат удобноста и се познати по тоа што ги избегнуваат чевлите со вртоглави потпетици. Истото важи и за моделите со многу висока и/или целосна платформа. На крајот ќе ги видите во модели со умерена платформа, но поголеми се шансите дека ќе се одлучат за елегантен модел со ниска блок-пета.
4. Гладијаторики
Овие стилови на сандали се враќаат во мода во моментов, но парижанките најчесто ќе ги прескокнат. Сè што ве прави да изгледате како статист од филмот „Гладијатор“ е непожелно. Само Расел Кроу може да ги носи, се пошегува француската модна блогерка Мари-Ан Лекер.
