„Двегодишната ќерка ја храни“: Дејана е родена без раце, одгледа ќерка, а сега нејзиниот сопруг објави ВИДЕО кое ги расплака сите
Дејана Бачко, девојката која ја воодушеви јавноста со својата сила и решителност, повторно ги допре срцата на многумина. Родена без раце, таа уште од најрана возраст ги користи своите стапала наместо раце – што ѝ го донесе прекарот „Девојка со крилја“.
Иако предизвиците ѝ беа бројни, Дејана никогаш не дозволи тоа да ја спречи да сонува и да успее. Денес е сопруга, мајка на прекрасно мало девојче, а неодамна ја положи и возачката дозвола – уште една победа во низата на нејзини достигнувања.
Но, токму едно кратко видео објавено од нејзиниот сопруг на социјалните мрежи собра најмногу емоции. Снимено на свадбена прослава, видеото ја прикажува Дејана во придружба на нејзиниот сопруг и нивната ќеркичка. Најтрогателниот момент? Моментот кога малата ќеркичка ја храни својата мајка, користејќи ги сопствените раце. Симболично и силно – како круг на љубов и поддршка што животот го враќа.
Многумина беа длабоко трогнати од овој чин, гледајќи како мајка без раце одгледала дете кое веќе знае да сака, помага и разбира.
Дејана Бачко не само што руши бариери, туку создава и генерации кои ја продолжуваат нејзината сила и хуманост. Таа е доказ дека ограничувањата се само во нашите мисли.
М.С.К
