КАКВА ПРОМЕНА: Никол Кидман избриша 20 години од лицето со еден замав, разводот го вади најдоброто од неа
Не е тајна дека многу жени, по раскинување или развод, одлучуваат да „ги скратат спомените“ - новата фризура често носи чувство на слобода, свежина и нов почеток. И се чини дека прекрасната Никол Кидман токму тоа го направи.
Само неколку дена откако беше потврдено дека познатата актерка се разведува од музичарот Кит Урбан по 19 години брак, Никол дебитираше со сосема нов изглед во Париз. Таа се појави на ревијата на Шанел пролет/лето 2026 со долга руса коса и шишки.
Актерката пристигна во Париз во придружба на своите ќерки, Сандеј Роуз (17) и Фејт Маргарет (14), а сите три блескаа во модерни комбинации со фармерки во главната улога. Никол носеше лабави, широки фармерки со бела кошула во стилот на смокинг, додека нејзините тинејџерки избираа младешки, но стилски комбинации.
Ова е само второ јавно појавување на Никол откако поднесе барање за развод, претходно се појави на добротворна аукција во Тексас.
Кит Урбан, од друга страна, моментално е на светска турнеја и настапува интензивно без венчален прстен на раката, објавува E News.
Никол поднесе барање за развод на 30 септември, наведувајќи „непомирливи разлики“. Иако се разделија на почетокот на летото, двојката постигна договор за заедничко родителство, според американските медиуми. Децата ќе го поминат поголемиот дел од годината (306 дена) со Никол, а 59 дена со Кит.
Иако има исклучително зафатен распоред, Никол вели дека мајчинството во движење совршено ѝ одговара:
„Подготвена сум да патувам, што многумина не се. Моите ќерки се исти - љубопитни, го сакаат светот и веќе имаат повеќе печати во пасошите од некои луѓе во осумдесеттите години“, изјави познатата актерка за списанието „L'Officiel“.
Нова фризура, нова енергија и нов почеток - Никол Кидман уште еднаш покажува дека крајот на љубовната приказна може да биде и почеток на нешто прекрасно.
РЖМ/ИС -Фото: Инстаграм
