„Моите деца не би го јаделе ова никогаш“: Актерката Мирка Васиљевиќ направи здрав чипс за своите деца, па наиде на критики (ВИДЕО РЕЦЕПТ)
Популарната српска актерка Мирка Васиљевиќ неодамна на својот Инстаграм профил објави видео во кое им покажа на своите следбеници како подготвува здрава верзија на чипс за своите деца.
Во видеото, Мирка чекор по чекор ја демонстрира подготовката, уверена дека ќе им даде добра идеја на родителите кои сакаат поздрава алтернатива на индустрискиот чипс.
Рецептот – здрава закуска со неколку состојки
Состојки за чипс:
- 80 г. палента;
- 20 г. безглутенско брашно.
Малку сув магдонос, оригано и сол
- 2 лажици маслиново масло;
- 100 мл врела вода.
Состојки за сос:
- 100 г фета сирење;
- Пола авокадо;
- Малку лимонов сок;
- Малку сол.
Подготовката, според актерката, е едноставна: сите суви состојки за чипсот се мешаат, се додава врела вода и маслиново масло, а потоа смесата се обликува и пече до крцкава текстура. Сосот се прави со пасирање на авокадото, сирењето и зачините.
„Моите деца го обожаваат, а сигурна сум дека и вие ќе го сакате,“ напиша таа под објавата.
Намерата добра, но реакциите поделени
Иако намерата на Мирка беше да сподели здрав и едноставен рецепт, објавата предизвика лавина коментари – и позитивни и негативни. Дел од следбениците ја пофалија за креативноста и трудот да ги научи децата на поздрави навики.
Сепак, голем број коментари беа критички настроени. Некои се прашуваа зошто користи безглутенско брашно, иронично додавајќи дека рецептите со такви состојки не се секојдневие за повеќето семејства.
Други, пак, директно изразија сомнеж дека нејзините деца навистина го јадат овој чипс, сугерирајќи дека видеото е повеќе за „Инстаграм ефект“ отколку реалност.
