Божидар работи 12 часа на ден во фабрика за риба во Алјаска, но за два и пол месеци заработува богатство
Додека повеќето српски граѓани кои сакаат да си ја пробаат среќата во странство, се селат во Германија и Австрија, еден Србин, Божидар Перовиќ, го пронашол својот мир на далечниот остров Кодијак, кој припаѓа на американската држава Алјаска, а за кој многумина дури и не слушнале.
Тој работи таму во фабрика за преработка на риба, а неговата дневна заработка, вели е помеѓу 180 и 200 долари.
Кодијак е рај на земјата - почнува приказната на Божидар на неговиот Тик Ток профил „calac.digitalac“.
Божидар моментално работи во фабрика за преработка на лосос, една од многуте во Кодијак, мал рибарски град во југозападна Алјаска. Работата е едноставна, но бара издржливост и дисциплина. Различни видови лосос се преработуваат во фабриката - главите се сечат, утробата се отстранува, рибата се филетира рачно или со помош на машини, се пакува во специјални рамки, а потоа се испраќа во огромни „експлозивни“ фрижидери.
Оние што работат во секторот „Case App“ се задолжени за замрзнати филети. Работата е константна, но Божидар не ја гледа како тешка.
„Работам 12 часа. Сепак, 12 часа минуваат неверојатно брзо. Првите три дена може да бидат тешки, но откако ќе влезете во шемата - лесно е“, објаснува тој на својот профил.
Тој вели дека ќе работи континуирано 2,5 месеци без пауза. На крајот, можеби, ако му е премногу тешко, ќе земе еден слободен ден. Ова значи дека за два и пол месеци ќе заработи околу 15.000 долари.Извор: ФАКТОР
