Првата дама на САД во пилотски стил-кожна јакна, фармерки и очила за кои зборува светот: Меланија Трамп фасцинира (ВИДЕО-ФОТО)
Иако оваа комбинација беше многу порелаксирана од нејзините вообичаени елегантни изданија, токму чевлите привлекоа најголемо внимание, бидејќи Меланија ретко се гледа без високи потпетици.
Првата дама на Соединетите Американски Држави, Меланија Трамп, вчера го придружуваше својот сопруг Доналд Трамп за време на неговата посета на поморската база во Норфолк, а за таа пригода носеше малку поинаков стил од вообичаеното.
Педесет и петгодишната Меланија се одлучи за кафеава кожна јакна „бомбер“, која ја комбинираше со бела кошула со јака и темни фармерки. Изгледот го комплетираше со авијатичарски очила за сонце и бела бејзбол капа со извезено „САД“ на предната страна, додека на нозете носеше кафеави мокасини.
Иако оваа облека беше многу порелаксирана од нејзините вообичаени елегантни изданија, токму чевлите привлекоа најголемо внимание, бидејќи Меланија ретко се гледа без високи потпетици. Многумина забележаа дека нејзиниот изглед наликува на ликот Шарлот „Чарли“ Блеквуд од „Топ Ган“, играна од Кели Мекгилис.
За време на посетата на бродот „УСС Џорџ Х.В. Буш“, Меланија и Доналд Трамп разговараа со морнарите и присуствуваа на воена демонстрација на палубата на носачот на авиони, по што претседателот се обрати на толпата - околу 10.000 присутни.
Меланија изгледаше расположена, широко се смешкаше и им мавташе на присутните. Кога ги поздрави морнарите со „ху“, тие ѝ возвратија со истиот поздрав, а таа додаде дека е почестена што е дел од настанот.
РЖМ/ИС - ФОТО: EPA/GRAEME SLOAN / POOL
