Родени да се караат: Хороскопски знаци кои е невозможно да ги „победите“ во расправа
Иако многумина од нас ги избегнуваат конфликтите и бараат мир во секојдневниот живот, постојат поединци кои живеат за кавги и уживаат во напнати ситуации.
Според астрологијата, одредени хороскопски знаци едноставно не можат да одолеат на предизвици, па дури ни на отворен судир.
За нив, конфликтот е начин на изразување, самодокажување и тестирање на личната сила. Не се плашат да заземат став, дури и кога знаат дека ќе наидат на спротивставување.
Овен
На врвот на листата на најборбени знаци е Овенот. Тие се водачи, пионери и неустрашливи борци под владеење на Марс – планетата на војната и акцијата, што дополнително ја засилува нивната страст и потреба да се докажат. Овните тешко се воздржуваат кога чувствуваат дека нивните права се загрозени или кога мислат дека некој е неправеден.
За нив, конфликтите не се нешто негативно, туку можност да ја покажат својата сила и да го потврдат својот авторитет. Иако можат да делуваат импулсивно, а понекогаш и агресивно, најчесто зад тоа стои желбата што побрзо да се најде решение наместо проблемите да се туркаат под тепих.
Шкорпија
Шкорпиите водат длабоки, често скриени битки. Не се борбени на класичен начин како Овните, но кога ќе дојде до судир, тие планираат на долг рок. Нивната интензивна природа, желбата за контрола и стремежот кон вистината често ги туркаат во конфликтни ситуации.
Познати се по способноста да ги почувствуваат слабостите на другите и да нападнат на најосетливите места. За нив, кавгите не се површни – тие одат длабоко, анализираат мотиви и не се откажуваат додека не ја имаат последната реч или додека не ја дознаат целата вистина. Ако ги предизвикате – бидете подготвени на психолошка војна.
