Југословенските легенди на една маса: Меѓу нив сјаје и „македонското сонце“ во опуштена варијанта
Пејачката Маја Оџаклиевска деновиве им приреди вистинско уживање на своите следбеници на Фејсбук, објавувајќи сторија од весела и топла дружба со свои блиски пријателки – легендите на регионалната естрада Ханка Палдум и Сузана Манчиќ.
На фотографиите се гледа друштвото во кафана, во опуштена атмосфера, со многу насмевки и добро расположение, какво што само искреното пријателство може да донесе. Масата е полна со традиционални специјалитети и пијалак, а целата сцена зрачи со духот на старото добро време, кога дружбите не се бројат во лајкови, туку во искрени моменти и заедничка песна.
На едната фотографија Маја седи покрај Ханка Палдум и Сузана Манчиќ, видливо насмеана и расположена, додека во следната фотографија позира во селфи мод со Ханка, што предизвика носталгија и одушевување кај нејзините обожаватели.
Познато е дека Маја Оџаклиевска со години негува искрени пријателства со своите колешки од поранешната југословенска сцена, а оваа објава уште еднаш потврдува дека тие врски не само што не избледеле, туку се посилни од кога било.
Фановите коментираа дека е прекрасно да се видат овие дами повторно заедно – насмеани, расположени и со позитивна енергија, потсетувајќи дека вистинските легенди никогаш не стареат, само ја менуваат сцената – од микрофон во кафанска трпеза.
