Утринско Франк кафе со Ирена Спировска: Денот ми почнува со добра музика на радио
Во овие зимски денови денот ми започнува со филџан топол чај кој го пијам незасладен. Потоа пијам смути од сезонско овошје кое е идеално освежување наутро, а воедно е витаминска доза која штити од настинки и вируси. Првото утринско кафе го пијам на работа со колегите.
Мотивацијата е неопходна за убав и успешен ден. Наутро наместо ТВ пуштам радио и сакам да ми почне денот со добра музика, а во тек на самиот ден мотивацијата ја пронаоѓам во позитивната енергија на моите колеги и колешки од АЛФА ТВ. Имам среќа да работам со млади луѓе, а тие секогаш знаат да инспирираат и да мотивираат.
Од пред неколку месеци сум на позицијата маркетинг директор на АЛФА ТВ и сега обврските ми се малку поинакви од предходно.
Наместо во студио пред камери со емисии и гости, денот ми поминува во состаноци, средби и маркетинг активности. Ова е исто така динамична и интересна работа која за мене е нов предизвик.
Втората половина од денот се трудам да ја поминам во друштво на оние кои ги сакам, да излезам некаде на ручек или на кафе, а навечер често одам во опера, на балет или некој интересен културен настан.
Кога сум дома денот сакам да го заокружам со чаша вино и некој добар филм, а имам навика да пијам кафе и навечер за крај на денот.
* Ирена Спировска, маркетинг директор на Алфа Тв