Во свечен фустан и со долга коса, Божо најдобро ги изведува традиционалните босанските севдалинки
Божо Вречо е еден од највпечатливите уметници на балканската музичка сцена – пејач кој со својот глас го оживува босанскиот севдах, но со својот изглед и сценски настап ја руши секоја предрасуда.
Потекнува од Босна и Херцеговина, тој денес важи за најавтентичниот и највпечатлив интерпретатор на традиционалната севдалинка. Неговата уметност го преминува рамковното сфаќање на жанрот и претвора секој настап во уникатно искуство.
Со долгите свечени фустани, турбан на главата или фризура инспирирана од реге стилот, Божо предизвикува реакции уште пред да запее. Но токму кога ќе запее, сета површност исчезнува — публиката се соочува со глас кој не остава никого рамнодушен.
Моќен, емоционален и длабоко искрен, неговиот вокал ја спојува старата босанска традиција со современото чувствување на слобода.
Вречо е симбол на тоа дека уметноста нема пол, форма или граници. И покрај предрасудите, неговата музика обединува — од Скопје до Сараево, Белград и Виена, салите се преполни.
Божо е доказ дека талентот и искреноста ја победуваат секоја стигма. Тој не е само пејач на севдах, туку вистински уметник кој со гласот ја спојува душата на целиот Балкан.
