Утринско кафе со ... // Утринско кафе со ...
Грижата за домот е моја обврска која уживам да ја правам и никогаш не ми претставува проблем: Утринско кафе со Сандра Малетски
Сопругот оди на работа, а јас и ќерка ми Миа подготвуваме заедно појадок. Во текот на неделата обично првото утринско кафе го пијам сама и буквално си уживам во тие триесетина минути кои ме опуштаат. За викендите кога сопругот е дома тоа го правиме заедно.
Моите секојдневни обврски се со ќерката, бидејќи не оди во градинка гледам денот да ѝ биде исполнет со игра и разни активности соодветни за нејзината возраст. Од скоро посетува и балет два пати во неделата. Со оглед на тоа што мојот сопруг работи во текот на целиот ден, домашните обврски и грижата за домот се исто така моја обврска, која морам да признаам уживам да ја правам и никогаш не ми претставува проблем.
*Сандра Малетски - дипломиран педагог - магистер по човечки ресурси