Како секогаш да имате шик и практична облека во вашиот плакар? Трикот е во методот 80/20 што го освои Тик Ток

Добивај вести на Viber

Методот 80/20 претставува поделба на гардеробата на безвременски и впечатливи парчиња. Тоа е идеална равенка за усовршување на вашиот стил и постигнување рамнотежа во вашата гардероба.

Постојат различни методи што со задоволство ќе ги испробаме за да го намалиме тој стрес наутро, или навечер пред излегување, при изборот на облека. Капсулната гардероба е само една во низата равенки и броеви кои се покажаа како добро решение при патување, но и во секојдневниот живот.

Еден од начините да го олесниме изборот на облека, а воедно да внесеме ред во нашите плакари е правилото 80/20, кое стана вирално и ја зафати платформата TikTok. Многу модни инфлуенсери и девојки покажаа преку оваа мрежа дека не само што си го олесниле процесот на избор на модна комбинација, туку и дека го усовршиле својот стил со овој метод.

@juliadrtmn I used to believe that my style is connected to keeping up with trends, making regular purchases, owning as many clothing items as possible to keep up with what I see on social media. But it led to quite the opposite, in fact I ended up being overwhelmed and never really felt ‘myself’, so I would end up wearing the same few outfits over and over again.  The 80/20 rule helped me build a closet that has more to offer & even though I buy so little, I still find outfits that I didn’t even know i had do you know the rule?  #howtostyle #styletips #styleinspo #findyourstyle original sound - музыка для липсингов

Што е методот 80/20?

Овие бројки се всушност проценти што се однесуваат на тоа која облека треба да сочинува 80%, а која 20% од вашиот гардеробер. Поголемиот дел од вашиот гардеробер, односно споменатите 80%, треба да се состои од класични парчиња. Тие ја претставуваат основата. Ова се парчиња изработени од квалитетен материјал, добар крој и бои што ја нагласуваат вашата природна убавина. Можете да ги носите во секое време и насекаде - во продавница, на работа, во парк, на патување - и со години. Додека траат.

View this post on Instagram

A post shared by  (@whimsigirldsgn)

Останатите 20% се однесуваат на трендовски парчиња, забавна и необична гардероба што е тука за да го „зачини“ вашиот изглед. Тука доаѓа до израз вашата автентичност. Ова се парчиња со необични кроеви, светли бои и импресивни принтови. Тоа е простор за целосна слобода и смело експериментирање.

Зошто е важно ова правило?

Замислете дека е обратно - дека 80% од вашата гардероба се состои од необични и непрактични парчиња, а дека на долг рок можете да се потпрете само на 20%. Тоа би било губење време и пари. Методот 80/20 ви дава рамнотежа - стабилна основа и доволно простор за креативност.