Кети Пери и Џастин Трудо ја официјализираа врската: Прво јавно појавување на црвен тепих во Париз
Американската пејачка Кети Пери и поранешниот канадски премиер Џастин Трудо за прв пат официјално се појавија во јавноста овој викенд во Париз, кога отидоа во познатиот кабаре клуб „Крејзи Хорс“ за време на паузата од нејзината турнеја.
Речиси три месеци по релативно дискретниот прв состанок во Монтреал, Џастин Трудо и Кети Пери решија да ја официјализираат својата романса, која веќе некое време е во медиумите.
Тие беа снимени во саботата во Париз, каде што го прославија 41-виот роденден на пејачката во клубот „Крејзи Хорс“.
Нивното излегување од кабарето и одењето по црвениот тепих до автомобилот беше проследено од голем број прес-екипи.
„Добра вечер на сите!“, им рече Трудо на фотографите додека се приближуваа кон автомобилот.
Гласините за врската меѓу политичарот и пејачката започнаа откако во јавноста се појави фотографија направена кон крајот на јули за време на вечера во ресторан во Монтреал. Неколку дена подоцна, 53-годишниот Трудо се појави во првиот ред на концертот на Кети Пери во истиот град, заедно со неговата 16-годишна ќерка Ела-Грејс.
Прегратка во костим за капење на јахта покрај брегот на Санта Барбара, Калифорнија, ги отфрли сите сомнежи на 12 октомври.
И Трудо и Кети Пери неодамна се разведоа.
Пејачката потврди пред само неколку месеци дека таа и Орландо Блум се разделиле по девет години брак. Двојката има четиригодишна ќерка.
Од друга страна, поранешниот премиер на Канада се разведе од сопругата Софи Грегоар во летото 2023 година. Откако се повлече од премиерската функција претходно оваа година, тој се посвети на своите три деца: Ксавиер, Ели-Грејс и Адриен.
Фото: Принтскрин/ видео инстаграмИзвор: N1info.rs
