Една нова Калиопи

Добивај вести на Viber

Со својот препознатлив шарм и искреност, Калиопи на денешната прес конференција ги најави трите концерти кои  ќе се одржат на 14 ноември, 6 и 7 декември. Според најавите на менаџерот Кристијан Стефановски од „Прагма продукција“ интересот на публиката е голем и веројатно ќе има  уште еден, но се чека слободен термин.

Калиопи истакна дека е најсреќна кога пее пред македонската публика и секогаш се радува на средбата со новинарите.

-Овој пат, концертот ќе има интимна, акустична атмосфера – ќе биде 100% LIVE, песните ќе добијат нов аранжман и нова емоција. Го имам најдобриот бенд и веќе почнавме со подготовките. Ќе има гости, но не ги откривам засега нивните имиња. Во подготовките многу ми помогна Ромео Грил - истакна Калиопи.

Едно е сигиурно љубителите на нејзината музика ќе го доживеат тоа што одамна го посакуваа – нов концерт, ново доживување, нова Калиопи.

-Во текот на неделава таа ќе промовира нов сингл во Белград. Следуваат нови песни од работилницата на Ромео Грил, како најава на новиот албум во 2026 година.