Талентот на Дорис Ди и искуството на Ана Дурловска – успешна формула на Макфест
Младата пејачка Дорис Ди, која има само 16 години, беше едно од најпријатните изненадувања на овогодинешниот Макфест. Со искрен и емотивен настап на песната „Кога не ме сакаш“, за која текстот и музиката ги потпишува Весна Малинова, а аранжманот е дело на Давор Јордановски, таа успеа да ја придобие публиката и да добие аплауз, а со тоа и да влезе во финалната вечер.
Иако млада, Дорис покажа извонредна уметничка зрелост, вокална сигурност и сценска присебност што ретко се среќава на македонската музичка сцена. Нејзината интерпретација остави силен впечаток и кај жирито, кое ја вклучи меѓу финалистите на фестивалот.
Во нејзиниот настап голема улога имаше Ана Дурловска — менторка и поддршка на Дорис, која со своето искуство и посветеност помогна младиот талент да се подготви и самоуверено да настапи на сцената во Штип.
Со ова појавување, Дорис Ди јасно стави до знаење дека еден нов глас се пробива на домашната музичка сцена — глас на генерација што ветува свежина, искреност и иднина за македонската поп музика.
Фото: Приватна архива
