Короната „коси“ три пати повеќе од сезонскиот грип: Нова научна студија

Добивај вести на Viber

Новиот коронавирус е посмртоносен од сезонскиот грип, се наведува во научна студија која открива колку е опасен Ковид-19. Неговата смртност е речиси трипати поголема кај пациентите со Ковид-19, во споредба со сезонскиот грип.

Авторите на истражувањето ја користеле француската национална статистика и ја објавија во списанието „The Lancet Respiratory Medicine“, фокусирајќи се на сериозноста на болеста.

Ова следува по една година откако се појавија првите случаи на коронавирусот.

За групата COVID-19 во оваа студија, сите пациенти хоспитализиран за КОВИД-19 од 1 март до 30 април 2020 година, биле вклучени, без оглед на нивната возраст. Пациентите беа следени до крајот на нивниот престој во болница, дури и ако тој датум бил после април. За престојот во болница за КОВИД-19 биле беа идентификувани со примарни дијагнози, поврзани дијагнози, или придружни дијагнози.

Истражувачите споредиле податоци за 89.530 пациенти примени в болница во Франција, со коронавирус во март и април годинава, со 45.819 пациенти хоспитализирани со сезонски грип, во периодот меѓу декември 2018 и крајот на февруари 2019 година. Вкупно 16,9 отсто од пациентите со коронавирус починале во овој период, кога бил првиот бран на епидемијата во Европа, а лекарите имале малку медикаменти за лекување на сериозно болните. Ова се споредува со смртност од 5,8 отсто кај заболените од грип.