„Наместо да потрошите 30 години градејќи куќа што нема да им треба на вашите деца, направете го ова“: Совет од руски архитект
Доколку планирате да изградите куќа или викендичка, прво послушајте го советот на еден руски архитект кој се чини дека е направен за многу од нас.
Неговиот пристап кон градежништвото е јасен: треба да се избегнува градење куќа што личи на зграда во која никој нема да живее, туку да се размислува паметно и да се гради според потребите.
„На вашите деца никогаш нема да им треба вашата куќа. Времињата се токму такви сега. Порано дизајниравме племенски „куќи“, двокатни куќи за синови, снаи и внуци. Денес, на децата не им требаат такви домови. Вашиот син нема да донесе снаа во куќата, нема да чека да умрете за да се ожени... Тогаш зошто градите куќа 300 години, трошите неверојатна сума пари, а следната генерација дури и нема да има потреба од неа?“
Наместо тоа, тој го предлага следново:
Совет број 1.
- Изградете едноставна куќа без подрум или поткровје - само основите. Според него, заштедите се огромни ако изградите куќа само со две спални соби, кујна и бања.
„Правилно пресметајте ги вашите ресурси и изберете го видот куќа што ќе ја изградите без товар за 10 до 15 години.“
Совет број 2.
- Мудро организирајте го просторот
„Ако веќе градите куќа, таа мора да биде точно по ваш вкус. На пример, оставете ги прозорците на кујната свртени кон патот, за додека ги миете садовите, да видите кој доаѓа и да можете да го ставите кафето.
Скарата треба да биде направена така што ќе можете да се восхитувате на зајдисонцето додека ја печете .
Важно е вашата куќа да ви биде удобна.“
Совет број 3.
Не ви треба базен и гаража
„Ако изградите базен во дворот, ќе биде вака: првата недела сите ќе пливаат. Еден месец подоцна ќе пливате еднаш на секои две недели, а по 3 или 4 месеци никој повеќе нема да плива во базенот. Зошто? Немате време за тоа. После тоа, базенот ќе го гледате само како обврска за чистење, никогаш како извор на уживање.
Ситуацијата е иста и со гаражата. Само 5% од луѓето ги оставаат своите автомобили во гаражата. Зошто? Мрзеливост. Со текот на времето, гаражата се претвора во магацин, а по неколку месеци нема да има ниту место за автомобил во неа.
Затоа, послушајте го мојот совет и градете паметно, само најосновно.“
РЖМ/ИС - Фото: фрипик
