Ви омекна киселата зелка? Не е крај - Романките откриваат едноставен трик како да го спасите бурето од расипување
Нема ништо полошо од тоа кога планирате да направите сарма или некое друго јадење со кисела зелка, а таа станала мека.
Често се случува наместо пријатна хрскавост, главиците да омекнат и да го расипат јадењето. Ако ви се случи тоа, не очајувајте и не ја фрлајте зелката – постојат неколку едноставни трикови со кои можете да ја спасите зимницата и да ѝ ја вратите свежината и цврстината.
Најчестата причина поради која зелката станува мека е недостатокот на сол. За да ја спасите, извадете ја од расолот, измијте ја и направете нова саламура. На еден литар вода додадете една лажица морска сол.
Во зависност од количината, зголемете ја пропорционално водата и солта. Тајната е во тоа што морската сол спречува раст на бактериите кои ја омекнуваат зелката.
Друг начин за спасување на зелка што почнала да омекнува е во бурето да додадете исечкан или изрендан корен од рен.
Ренот има антибактериски својства и помага во прочистување на матниот расол. Слично дејство има и неколку стебленца целер – тие му даваат подобар вкус и ја зацврстуваат зелката.
Традиционално, Романките редовно го преточуваат расолот: го прелеваат од еден сад во друг, но од висина, за да „фати“ кислород.
Овој процес помага расолот да се избистри и да го врати пријатниот вкус, но само доколку не е потребно целосно да се замени со нов.
На крај, бурето со кисела зелка треба да се стави на ладно место, бидејќи ако температурата е висока, зелката може пребрзо да ферментира.
Извор: Kurir.rs / Фото: ЖМ архива
