Цел Холивуд зборуваше дека Ди Каприо ќе ја остави Камила во 2022 година, и навистина се случи тоа: Причината е бизарна

Добивај вести на Viber

фото:Profimedia

Уште пред 3 години цел Холивуд можеше да се заколни дека Леонардо Ди Каприо ќе ја остави девојката во 2022 година - и, тој го стори тоа.

Холивудскиот актер Леонардо ди Каприо (47) повторно е соло! Имено, познатиот заводник стави точка на долгогодишната врска со својата девојка, манекенката Камила Мороне (25).

Блиски извори до холивудската ѕвезда тврдат дека Лео и Камила ја прекинале врската на почетокот на летото, а пренесуваат странските медиуми.

фото:Profimedia

„Нема лоши чувства меѓу нив. Само дојде до природен крај“, велат добро упатените извори.

Иако ова раскинување изгледа прилично вообичаено, особено во Холивуд каде врските со познатите личности постојано се на стаклени нозе, сосема е можно да има подлабока приказна зад тоа. Имено, уште во 2019 година имаше гласини дека Леонардо ќе ја напушти Камила точно во 2022 година, кога таа ќе наполни 25 години.

Навистина, Камила го прослави својот 25-ти роденден во јуни оваа година, а набргу потоа беше оставена. Звучи бизарно, но краткиот осврт на љубовниот живот на познатиот актер јасно покажува дека тој никогаш во животот не се забавувал со жена која има повеќе од 25 години - тоа е горната граница.

Овој факт до таа мера ги забавуваше корисниците на социјалните мрежи што со години кружи дури и графика која дава увид во тврдењата дека Лео едноставно сака само жени во раните 20-ти. Таа информација дури стана редовна шега во Холивуд - ја спомна и Ејми Шумер при доделувањето на овогодинешните Оскари.

Да потсетиме, Камила и Лео почнаа да се забавуваат во 2017 година, кога манекенката имаше само 19 години, а 22 години постариот Лео веќе го прослави својот 41 роденден! Но, нивното познанство датира уште подалеку во минатото - имено, Камила и Лео се познавале кога таа била само девојче, бидејќи актерот бил семеен пријател на нејзиниот очув, Ал Пачино.

Ниту еден од нив не ја коментираше врската во јавноста, а се шпекулира дека тоа се должи на тоа што девојките на Лео потпишуваат договор за доверливост. Меѓутоа, во 2019 година, Камила накратко ја коментираше нивната разлика во години во едно интервју, велејќи дека „секој треба да излегува со кого сака“.