Македонскиот сафир блесна во долга тоалета: Без кич, без претерување - Мими Јовановска покажа што значи вистинска женственост
Македонската пејачка Мими Јовановска, која јавноста ја запозна преку регионалното музичко шоу „Ѕвездите на Гранд“, повторно привлече внимание – овојпат со својот ненаметлив, но елегантен моден избор.
На последното појавување, таа блескаше во долга свечена тоалета во ладно сина боја, со крој што совршено ја следи нејзината фигура и ја нагласува женственоста без претерување. Горниот дел, краток и со долги ракави, открива само мал дел од половината, создавајќи впечаток на совршен баланс меѓу сензуалност и пристојност.
Мими се одлучила за брановидна, пуштена коса, која ѝ дава мек изглед и дополнително ја истакнува природната убавина.
Шминката е дискретна и нежна, со акцент на топли нијанси што совршено се вклопуваат со синиот тон на фустанот. Без непотребни додатоци, таа уште еднаш покажа дека вистинската елеганција е во едноставноста.
Нејзиниот стил може да се опише како класичен со современ допир, пример како младите жени можат да изгледаат впечатливо и со мерка.
Со овој изглед, Мими Јовановска уште еднаш потврди дека умереноста, вкусот и природната самодоверба се најсилните модни изрази на една вистинска дама.
РЖМ / МСК
