На 13 години го запозна на интернет, па ја киднапира: Ме соблече и ми рече „Тешко ќе ти биде, плачи“
На 13-годишна возраст Алиша била киднапирана од маж кој го запознала на Интернет. Ја мачел со денови, а потоа едвај се извлекла.
Алиша Козакиевич беше киднапирана пред 14 години и држена во неговиот дом во Вирџинија од страна на поранешниот компјутерски програмер Скот Тајр. Таа тогаш имала тринаесет години и била силувана цели четири дена.
Сè се случило една студена јануарска ноќ, кога Алиша отишла во својата соба да спие по семејната вечера. Пред да оди во својата соба, таа излегла надвор.
Алиша излегла да запознае момче со кое се допишувала на Интернет. Сепак, се покажа дека не е момче, туку постар маж.
Таа не се сеќава што точно се случило, освен што слушнала како некој ја вика, а набрзо сфатила дека е во автомобил со непознат маж. Потоа видела лисици и пиштол во автомобилот и можела да почувствува што се случува.
„Толку силно ми ја стискаше раката што мислев дека е скршена“, рече таа.
„Тој ми викна. „Биди добра. Биди тивка“.
„Имаше едно момче, за кое мислев дека е на моја возраст, кое не го познавав, и му се допаѓаа истите работи како мене. Ден и ноќ слушаше што имав да кажам и ми даваше совети додека се допишувавме. Цели осум или девет месеци пред да ме киднапира“, објасни таа.
Несреќната девојка била мачена и силувана со денови пред полицијата да ја спаси.
„Потоа ме соблече, ме погледна и ми рече: „Ова ќе биде навистина тешко за тебе. Слободно плачи". После тоа ми стави поводник за куче околу вратот, ме одвлече горе во спалната соба и ме силуваше. Ме врза под појасот до креветот. Ме силува, тепаше и мачеше во таа куќа цели четири дена“, опишува Алиша.
Киднаперот подоцна беше осуден на 19 години и седум месеци затвор.
Вели дека денес е среќна затоа што останала жива, а со својата приказна се труди да влијае на другите, за да не дојдат во истата ситуација.
„Во последниве години, интернет-злосторствата против децата вртоглаво пораснаа бидејќи компјутерите се префрлија од семејните соби во мобилни телефони во џебот на секој тинејџер. Пандемиските заклучувања, кои ги заробија младите луѓе дома на нивните компјутери, само ги влошија работите. Предаторите исто така беа по куќите и тоа беше рецепт за катастрофа“, вели Алиша.
Таа е магистер по форензичка психологија, а својот живот го посветила на едукација на родителите и децата за опасностите кои демнат на Интернет.
Извор: Стил курирФото: Инстаграм
