Најцрниот лет на македонското небо: Незаборавната авионска катастрофа што одзеде 116 човечки животи (ВИДЕО)
Денес се навршуваат 32 години од една од најтешките авијациски трагедии во македонската историја — падот на редовниот лет 110 на „Авиоимпекс“, кој на 20 ноември 1993 година се сруши во близина на Охрид.
Летот тргнал од Женева кон Скопје, но поради силна снежна бура и намалена видливост над главниот град, авионот бил пренасочен кон охридскиот аеродром. Со рускиот авион Јаковлев Јак-42 патувале 108 патници и осум членови на екипажот.
Несреќата се случила околу седум километри источно од охридскиот аеродром, откако екипажот при пропуштен пристап пријавил дека не добива навигациски сигнал и дека пистата не е видлива. Неколку моменти подоцна, авионот се урнал.
Јак-42 бил приближно 2.300 стапки и не бил во можност успешно да слета, па затоа била извршена постапка за пропуштен пристап. Набргу потоа екипажот на летот 110 објавил дека не добиваат сигнал VOR. Контролата на летање не била во можност да го задоволи барањето за слетување, а пилотот на летот 110 советувал дека не може да ги види светлата на пистата. Набргу потоа, летот 110 се срушил.
Четворицата членови на летачкиот екипаж биле Руси, а четворицата членови на екипажот од кабината биле Македонци. Меѓу патниците бил и еден функционер на Високиот комесаријат за бегалци на Обединетите нации (УНХЦР).
Од 116-те лица во леталото, ниту едно не преживеало – единствениот патник кој ја преживеал несреќата починал 11 дена подоцна во болница. Поголем дел од жртвите биле југословенски државјани од албанска националност.
Ова бил трет авијациски инцидент во Македонија за само 16 месеци, што предизвикало жестоки реакции. Тогашниот министер за урбанизам, градежништво, комуникации и екологија Антони Пешев поднел оставка, а пилотските здруженија алармирале за недоволна опременост и слаби безбедносни стандарди на аеродромите во Скопје и Охрид.
Истрагата подоцна утврдила дека главна причина за трагедијата била пилотска грешка, но како дополнителен фактор се наведува и јазичната бариера: контролата на летање комуницирала на македонски јазик, додека екипажот користел руски и англиски.
Несреќата со летот 110 и денес останува најсмртоносната авионска катастрофа во историјата на Македонија.
РЖМ
Фото: Принтскрин/ Јутјуб
