На 11 месеци Адријана води животна битка со тешка дијагноза: Нејзиниот татко-херој на приказната со среќен крај
Веста што ја објави „Аџибадем Групација на Болници – Македонија“ ги потресе и трогна многумина: малечката Адријана, на само 11 месеци, ја доби најтешката дијагноза – карцином на црниот дроб, кој брзо доведе до сериозно откажување на органот.
Соочени со оваа драматична состојба и по препорака на лекарите во Црна Гора, семејството одлучи да отпатува во Турција, во болницата „Аџибадем“. Таму, тимот на еден од најреномираните трансплантациски хирурзи, професорот Хамди Каракајали, раководител на Одделението за трансплантација во „Аџибадем Атакент“, веднаш ја презеде малата Адријана.
Лекувањето резултираше со комплексна, но успешна трансплантација на црн дроб од жив донор. Херојот? Нејзиниот татко, кој без двоумење ја даде најголемата можна жртва – дел од сопствениот орган за неговата ќерка да може да продолжи да живее.
Самата операција беше изведена од проширен тим специјалисти и траеше со часови. Денес, само еден месец подоцна, таткото и ќерката се здрави, стабилни и подготвени да се вратат дома. Семејството со емотивни зборови изразува огромна благодарност кон тимот на „Аџибадем“, но и кон силата што ги држеше обединети – семејната љубов.
Адријана денес има нов почеток. А нејзината приказна потсетува дека чудата понекогаш се создаваат со љубов, храброст и медицина која менува животи.
РЖМ/ИС - ФОТО: Аџибадем Групација на Болници, Македонија
