Ни одзеде блиски, ни одзеде здравје, ни одзеде мир: Д-р Митов за последниот ден од 2020-тa година
фото:facebook/dr.a.mitov
Пред прагот на 2021-ва година, вечерва ќе ја испратиме можеби најтешката и најчудна година која ја памети светот.
Денес социјалните мрежи се исполнети со емотивни статуси, желби, честитки, пораки за здравје, среќа и мир во новата 2021-ва година.
Особено ни го привлече вниманието добропознатиот д-р Митов, со емотивен статус за последниот ден од годинава, доловувајќи тoчно што изгубивме, а што добивме во годината што изминува.
Неговиот статус ви го пренесуваме во целост:
Многу ни одзеде оваа година. Ни одзеде блиски, ни одзеде здравје, ни одзеде мир.
Ни одзеде скапоцено време кое требаше да го поминеме со драги пријатели.
Ни ја одзеде слободата и спокојот...
Но нема, и не може да ни го одземе највредното во нас - ГРИЖАТА ЕДЕН ЗА ДРУГ. Човечкото!
Не нѐ раздели, туку нѐ зближи.
Не нѐ скрши, туку нѐ зацврсти.
И нѐ потсети над СЀ: ЕДЕН НА ДРУГ СМЕ СИ НАЈГОЛЕМОТО БОГАТСТВО!
После ваква мачна година, како да се потсетивме - нема потопло од ПРЕГРАТКАТА!
Толку многу испуштивме...
... да надокнадиме во 2021! ЧУВАЈТЕ СЕ!
